வட்ட நிலா வானைத் தொட்ட நிலா 
வங்கியர்முகத்திற்கு இணையென்று
பட்ட நிலா 

குழவிக்கு சோறூட்ட குதித்த நிலா 
கொஞ்சம் கொஞ்சி விளையாட 
குளிர்ந்த நிலா 

காதலை பேசி கழித்த நிலா 
காளையர் கவிதைகள் தந்து 
வளர்த்த நிலா

கால்நீட்டி வடை சுட்ட நிலா 
கிழவியின் கதைகள் பல  பேசி 
கழித்த நிலா

எட்டவே நின்று பார்த்த நிலா 
என்னில் ஏக்கங்கள் தந்து 
ஒளிர்ந்த நிலா 

தாய் சுட்ட தோசை போல் வட்ட நிலா 
நெஞ்சின் தாகத்தை தீர்த்திட்ட
"ஜன்னல் நிலா"