எங்கு காணினும் பசுமை வேண்டும்
இங்கே பசுமைக்குத்தான் பஞ்சம் 
வறட்சி வந்து வாட்டியதால் 
நில வெடிப்புகள் தான் 
பசுமை தான் எங்கே !

கரிசல் பூமியும் 
கந்தக பூமியானது - 
காய்ந்து போனது 
கழனி நிலங்கள் !

எல்நினோ செய்த 
வெப்ப மாற்றத்தால் 
எங்கும் பருவநிலை மாற்றம் 
பருவமழை ஏமாற்றம் ! 
கார்காலம் கூட கோடைகாலமானதோ ?

உலகம் முழுக்க 
உலுக்கி எடுக்கும் 
வெப்ப அதிகரிப்பு 
வெம்பிப்போகும் விவசாயம் !

பச்சை நிலம் காண 
பசுமை எங்கும் நிறைய 
பங்குனி வெயில் பாடாய்படுத்தும் 
பங்குனிமழையால் மகிழ்ச்சி அலை 
பச்சை நிலம் காண காத்திருப்போம் !