உதிரும் பூக்களை ஒன்றாய் கோர்க்கையில்
நன்றாய் மாலை அலங்கரிக்கும்
சிதறிய மணிகளை சேர்த்து
கோர்த்திட்டால் மணிமாலையாய்
மங்கையர் கழுத்தை அலங்கரிக்கும்
சிந்திய பூந்திகளை சேர்த்து பிடித்திட்டால்
வந்திடும் தேன்சுவை லட்டு

எந்திரங்கள் ஒன்றொடு ஒன்று கோர்த்திட்டால்
உருவாகிடும் பெரும் தொழில்சாலை
ஒரு கை ஓசை எழுப்பாது
இரு கை தட்டினால் கைதட்டல்
பல கை ஒலித்தால் கரகோஷம்

கைகள் பிரிந்து போயிடின் காணாமல் போயிடும் வலிமை
நாட்டினில் நன்மை பெருகிடவே
தீயவை தேய்ந்து மடிந்திடவே
பிரிவினை சக்திகள் நசித்திடவே
மக்கள் குரல் மாநிலத்தில் ஒலித்திடவே
மாற்றம் நாட்டில் ஏற்படவே
நாட்டில் நன்மை பெருகிடவே
மக்கள் நாமும் கை கோர்ப்போம்