ஆணோ பெண்ணோ கலைப்பு தவிர்ப்போம் !
ஒன்றோ இரண்டோ உயிர்ப்புடன் வளர்ப்போம்!
ஜாதி கொல்வோம்; சமநீதி கொள்வோம் !
உயிர் கொல்லாது உணவு உட்கொள்வோம்!

உரம் தவிர்த்து பயிர் வளர்ப்போம்!
அழகு – வீரத்திற்கு மயிர் வளர்ப்பதை மாற்றி வைப்போம்!
‘அழகு குழந்தை’ போட்டி ஒழிப்போம்; 
‘ஆரோக்கிய குழந்தை’ வளர்ப்போம் !
பொதுக் கல்வியைப் புகுத்த வைப்போம் !

‘புரட்சி’ எனும் வார்த்தையை புதைத்து வைப்போம் !
ஜனநாயகம் காக்க நோட்டோவுக்கு வெய்யிலில் நின்றேனும் வாக்களிப்போம் !
கெட்ட தொடரை அணைப்போம்; நல்லதை அறிந்து அதை மட்டும் படிப்போம்!
குடிநீருக்குப் போராடுவோம்; குடிப்போரை ஊரை விட்டு விலக்கி வைப்போம்!
தெய்வம் எதுவென்று உள்ளுக்குள்ளே சென்று அறிவோம்!

தேவையற்ற குப்பையை வெளியே வீசியெறிவோம்!
உழைப்பிற்குப்பின் வெந்நீராடலைத் தொடர்வோம்!
இசை கேட்போம் ; உலகே இன்பமயமாவதை உணர்வோம் !
எல்லாம் கிடைத்துவிட்டால் வாழ்க்கை எங்கும் பூக்கோலம்!
இல்லையேல் வாழ்க்கையென்பது என்றும் போர்க்களம்!! -