145. பரசு பாணியர் பாடல் - பாடல் 10

பாடல் 10:

பறை கொள் பாணியர் பிறை கொள் சென்னியர்
      பட்டினத்துறை பல்லவனீச்சரத்து
இறைவராய் இருப்பார் இவர் தன்மை அறிவாரார்

விளக்கம்:

பறை=மேற்புறம் தோலினால் இழுத்து கட்டப்பட்ட இசைக்கருவி;
 
பொழிப்புரை:

பறை எனப்படும் தோல் வாத்தியத்தை உடையவனாக விளங்கும் பெருமான், பிறைச் சந்திரனைத் தனது தலையிலே அணிந்துள்ளார். இவர் காவிரிபூம்பட்டினத்து பல்லவனீச்சரம் தலத்தில் அனைவர்க்கும் தலைவனாக அமர்ந்து அருள் புரிகின்றார். இவரது தன்மை எத்தகையது என்பதை யாரால் அறிய முடியும்.