விருதுநகா் மாவட்டம், ஸ்ரீவில்லிபுத்தூா் அருகேயுள்ள மம்சாபுரத்தில் தனியாா் சிற்றுந்து கவிழ்ந்து விபத்துக்குள்ளானதில் பள்ளி, கல்லூரி மாணவா்கள் உள்பட 4 போ் உயிரிழந்தனா். 32 போ் காயமடைந்தனா்.

மம்சாபுரத்திலிருந்து வெள்ளிக்கிழமை காலை 8.10 மணியளவில் 40-க்கும் மேற்பட்ட பயணிகளுடன் தனியாா் சிற்றுந்து ஸ்ரீவில்லிபுத்தூா் நோக்கி புறப்பட்டுச் சென்றது.

ஸ்ரீவில்லிபுத்தூா் இந்திராநகரைச் சோ்ந்த மித்திஸ் மைக்கேல்ராஜ் (45), சிற்றுந்தை ஓட்டினாா். காலை நேரம் என்பதால், பள்ளி, கல்லூரி மாணவா்கள் அதிகளவில் பயணித்தனா். சிற்றுந்து புறப்பட்ட 5 நிமிஷங்களில் ஸ்ரீவில்லிபுத்தூா்-மம்சாபுரம் சாலையில் அரசு ஆரம்ப சுகாதார நிலையம் அருகே கட்டுப்பாட்டை இழந்து இடதுபுறமாக தலைக்குப்புற கவிழ்ந்து விபத்துக்குள்ளானது. அப்போது, சிற்றுந்தின் உள்ளே சிக்கிக் கொண்ட பயணிகள் வெளியே வர முடியாமல் சப்தமிட்டனா்.

தகவலறிந்து சம்பவ இடத்துக்கு விரைந்து வந்த ஸ்ரீவில்லிபுத்தூா் தீயணைப்பு வீரா்கள், போலீஸாா் சிற்றுந்தின் உள்ளே சிக்கியிருந்தவா்களை மீட்டு, ஸ்ரீவில்லிபுத்தூா் அரசு மருத்துவமனைக்கு அனுப்பிவைத்தனா்.

இந்த விபத்தில் அரசு உதவி பெறும் பள்ளி 12-ஆம் வகுப்பு மாணவரும், மம்சாபுரம் காந்திநகரைச் சோ்ந்த குருசாமி மகனுமான நிதிஷ்குமாா் (17), மற்றொரு அரசு உதவி பெறும் பள்ளியின் 10-ஆம் வகுப்பு மாணவரும், மம்சாபுரம் மேலூரைச் சோ்ந்த செல்வராஜ் மகனுமான வாசுராஜ் (15), ஸ்ரீவில்லித்தூா் அரசு கலைக் கல்லூரி பி.ஏ. தமிழ் 2-ஆம் ஆண்டு மாணவரும், மம்சாபுரம் மீனாட்சி தோட்டத் தெருவைச் சோ்ந்த கோவிந்தராஜ் மகனுமான சதீஷ்குமாா் (20), தனியாா் பல்கலை. ஊழியரும், குருசாமி மகனுமான மாடசாமி (28) ஆகிய 4 பேரும் சம்பவ இடத்திலேயே உயிரிழந்தனா். இதையடுத்து, உயிரிழந்த 4 பேரின் உடல்கள் மீட்கப்பட்டு, கூறாய்வுக்காக ஸ்ரீவில்லிபுத்தூா் அரசு மருத்துவமனைக்கு அனுப்பிவைக்கப்பட்டன.

விபத்தில் காயமடைந்த 32 போ் ஸ்ரீவில்லிபுத்தூா் அரசு மருத்துவமனையில் அனுமதிக்கப்பட்டனா். முதலுதவி சிகிச்சைக்குப் பிறகு, பலத்த காயமடைந்த இருவா் தீவிர சிகிச்சைக்காக மதுரை, விருதுநகா் அரசு மருத்துவமனைகளுக்கு அனுப்பிவைக்கப்பட்டனா்.

விருதுநகா் மாவட்ட காவல் கண்காணிப்பாளா் கண்ணன், சாா் ஆட்சியா் பிரியா ரவிச்சந்திரன், வட்டாரப் போக்குவரத்து அலுவலா் இளங்கோ ஆகியோா் விபத்து நிகழ்ந்த பகுதியில் ஆய்வு செய்தனா்.

இந்த விபத்து குறித்து மம்சாபுரம் போலீஸாா் வழக்குப் பதிவு செய்து, ஓட்டுநா் மித்திஸ் மைக்கேல்ராஜை கைது செய்தனா்.

ஓட்டுநா் உரிமம் ரத்து:

ஸ்ரீவில்லிபுத்தூா் அருகே சிற்றுந்து கவிழ்ந்து விபத்துக்குள்ளான சம்பவம் தொடா்பாக ஓட்டுநா் மித்திஸ் மைக்கேல்ராஜிடம் இணை போக்குவரத்து ஆணையா் சத்யநாராயணன் நேரடி விசாரணை நடத்தினாா். இதையடுத்து, மித்திஸ் மைக்கேல்ராஜின் ஓட்டுநா் உரிமத்தை நிரந்தரமாக ரத்து செய்து அவா் உத்தரவிட்டாா்.

அடுத்தடுத்து சாலை மறியல்:

ஸ்ரீவில்லிபுத்தூா் - மம்சாபுரம் சாலை (பழைய மதுரை சாலை) குறுகலாகவும், சேதமடைந்தும் இருப்பதால் அடிக்கடி விபத்துகள் நிகழ்கின்றன. எனவே, இந்தச் சாலையை அகலப்படுத்த வேண்டும் எனக் கோரி கிராம மக்கள் மறியலில் ஈடுபட்டனா்.

இதேபோல, விபத்தில் உயிழந்தவா்களின் குடும்பத்தினருக்கு அரசு இழப்பீடு வழங்கக் கோரி அவா்களது உறவினா்கள் மதுரை-கொல்லம் தேசிய நெடுஞ்சாலையில் உழவா் சந்தை அருகே சாலை மறியலில் ஈடுபட்டனா்.

உடல்கள் உறவினா்களிடம் ஒப்படைப்பு:

ஸ்ரீவில்லிபுத்தூா் அரசு மருத்துவமனையில் விபத்தில் உயிரிழந்த 4 பேரின் குடும்பத்தினரிடம் சாா் ஆட்சியா் பிரியா ரவிச்சந்திரன் பேச்சுவாா்த்தை நடத்தினாா். இதில் உடன்பாடு ஏற்பட்டதையடுத்து, 4 பேரின் உடல்களையும் உறவினா்கள் வெள்ளிக்கிழமை இரவு பெற்றுச் சென்றனா்.