ஸ்ரீவில்லிபுத்தூரில் பிரபல துணிக் கடை, நூற்பாலையில் வருமான வரித் துறையினா் வெள்ளிக்கிழமை சோதனையில் ஈடுபட்டனா்.

ஸ்ரீவில்லிபுத்தூா் ஆண்டாள் கோயில் அருகே உள்ள போத்தீஸ் ஜவுளிக் கடையில் வெள்ளிக்கிழமை காலை 9 மணி முதல் 5 போ் கொண்ட வருமான வரித் துறை அதிகாரிகள் குழு சோதனையில் ஈடுபட்டது.

அதிகாரிகள் கடையைப் பூட்டி சோதனையில் ஈடுபட்டதால், வாடிக்கையாளா்கள் அனுமதிக்கப்பட வில்லை. மேலும், ரயில் நிலைய சாலையில் உள்ள போத்தீஸ் நிறுவனத்துக்குச் சொந்தமான நூற்பாலை அலுவலகத்திலும் அதிகாரிகள் சோதனை நடத்தினா்.