ரவிக்குமார் இயக்கத்தில் சிவகார்த்திக்கேயன் நடித்தும் வரும் படத்துக்கு "அயலான்' எனப் பெயரிடப்பட்டுள்ளது. படத் தலைப்பு குறித்து படத்தின் தயாரிப்பாளர் ஆர்.டி.ராஜா பேசும் போது....
"அயலான்'” என்பது படத்தின் கருவை மையப்படுத்திய தலைப்பு. அயலான் என்றால் ஏலியன் என்பது அர்த்தம். சென்றடையும் இலக்கு பூமி எனக் குறிப்பிடப்பட்டுள்ளதை ரசிகர்கள் எளிதாகப் புரிந்து கொள்வார்கள். நாம் அதைப் பற்றி எந்த ஒரு வார்த்தை சொன்னாலும் படத்தின் சுவாரஸ்யங்களை வெளிப்படுத்தக்கூடிய அபாயம் இருக்கிறது. இன்னும் இரண்டு கட்ட படப்பிடிப்பு மட்டுமே மீதம் இருக்கிறது.'' என்றார். ரகுல் ப்ரீத் சிங், யோகிபாபு, கருணாகரன் நடிக்கின்றனர். ஏ.ஆர். ரஹ்மான் இசையமைக்கிறார். நீரவ் ஷா ஒளிப்பதிவு செய்கிறார் படத்தொகுப்பு - ரூபன்.