ஸ்கிப்பிங் விளையாடி கின்னஸில் இடம்பிடித்த ரோபோ!

ஸ்கிப்பிங் விளையாடி உடல் ஆரோக்கியத்தை மனிதர்கள் மேம்படுத்திக் கொள்கிறார்கள். ஆனால், ஜப்பானில் ஒரு ரோபோ ஸ்கிப்பிங் விளையாடி கின்னஸ் புத்தகத்தில் இடம்பிடித்துள்ளது. 
ரோபோக்களுக்கு பெயர் போன ஜப்பானில் , 60 நொடிகளில் 160 ஸ்கிப்பிங் செய்து உலக சாதனை படைத்துள்ளது "ஜம்பின்' என பெயரிடப்பட்டுள்ள ரோபோ. 
பார்ப்பதற்கு பென்குவினைப்போல் உள்ள இந்த ரோபோவின் இரு புறத்தில் இருந்து இரண்டுபேர் ஸ்கிப்பிங் கையிறை 360 டிகிரி சுற்றினர். ஸ்கிப்பிங் கயிறு சுற்றுவதற்கேற்ப, துல்லியமாக எகிறிக் குதித்து சாதனைப் படைத்துள்ளது.
ஏராளமானோர் அரங்கத்தில் கூடி, பெரிய திரையில் ஜம்பினின் ஒவ்வொரு ஸ்கிப்பிங் தாண்டுதலையும் கண்டு ரசித்தனர். ஜம்பின் ரோபோவின் சுட்டித்தனத்தைக் கண்ட அனைவரும் ஆச்சரியத்தில் மூழ்கிப் போயினர்.
ஜப்பான் தேசிய தொழில்நுட்ப கல்வி நிறுவனத்தின் கீழ் இயங்கும் நாரா கல்லூரி இந்த ஜம்பின் ரோபோவை உருவாக்கியுள்ளது. 
கின்னஸ் சாதனையில் ஜப்பானைச் சேர்ந்த ரோபோ இடம் பெறுவது இது முதல் முறையல்ல. 2010-ஆம் ஆண்டில் ஐ- ஃபாரி என்ற ரோபோ, தம்பதிக்கு திருமணம் நடத்தி வைத்து கின்னஸ் சாதனை படைத்தது. இதையடுத்து, 2015-ஆம் ஆண்டு 
ஃபோர்பியஸ் என்ற ரோபோ டேபில் டென்னிஸ் பயிற்சியாளராகி கின்னஸ் புத்தகத்தில் இடம் பெற்றது. தற்போது, சுட்டி ரோபோ ஜம்பின் ஸ்கிப்பிங் ஆடி கின்னஸ் புத்தகத்தில் இடம் பெற்றுள்ளது.