கர்ப்பிணிப் பெண்கள் தினமும் ஒரு முறை கேழ்வரகில் செய்த உணவுப் பொருளை சாப்பிட வேண்டும். இதில் இரும்புச்சத்து, கால்சியம் உள்ளது.

வேப்பம்பூவை ரசம் வைத்துச் சாப்பிட்டால் உடம்பில் உள்ள கிருமிகள் அழியும். பித்தம் குறையும். 

தினமும் முருங்கைக் கீரையைச் சாப்பிட்டால் நீரழிவு நோய் கட்டுப்படும். கண் பார்வை தெளிவு பெறும்.   

அதிக இருமல் ஏற்படும் போது ஒரு ஸ்பூன் தேன் சாப்பிட்டால் இருமல் குறையும்.   
கூடுமான வரையில் தாளிப்பு இல்லாமல் உணவு உண்பதே நல்லது.

கறிவேப்பிலை, இஞ்சி, சீரகம் மூன்றையும் சிறிதளவு எடுத்து ஒரு டம்ளர் தண்ணீர் ஊற்றி கொதிக்க வைத்துக் குடித்தால் அஜீரணம் சரியாகிவிடும்.  

இட்லிக்கு மாவு அரைக்கும் போது உளுந்துக்குப்  பதில் சோயா மொச்சையை பயன்படுத்தினால் அதிக சத்தான இட்லி கிடைக்கும்.

தேங்காய் அதிகம் இருந்தால் பொடியாக நறுக்கி ஒரு பாக்கெட்டில் போட்டு குளிர்ச்சாதனப்பெட்டியில் வைத்து கொள்ளலாம். தேவையான போது சட்னிக்கு, குழம்புக்கு கொஞ்சம் எடுத்து சிறிது பயன்படுத்தலாம்.

இஞ்சி டீ அருந்துபவர்கள் இஞ்சியை  தட்டி போட்டு கொண்டு இருக்காமல்,  ஏலக்காய் சேர்த்து அரைத்து ஒரு டப்பாவில் போட்டு குளிர்ச்சாதனப்பெட்டியில் வைத்துக் கொள்ளலாம்.

முருங்கைக்காய் அதிகமாக இருந்தால், விரல்அளவுக்கு நறுக்கி ஒரு கவரில் போட்டு குளிர்ச்சாதனப்பெட்டியில் வைத்துக் கொள்ளலாம். பிறகு சமைக்கும் போது, அதனை எடுத்து கழுவி சேர்த்துக் கொள்ளலாம்.

குழம்புகளில் தேங்காயின் அளவை குறைத்துக் கொண்டு பாதாமைச் சேர்த்து அரைத்துக் கொள்ளலாம். இது கொழுப்பு அளவை கட்டுப்படுத்துகிறது. குழந்தைகளுக்கும் மூளை வளர்ச்சி அதிகரிக்க உதவுகிறது.