தேவையானவை:

உருளைக் கிழங்கு-  600 கிராம்
வறுத்த வேர்க்கடலை-  400 கிராம்
பச்சை மிளகாய்- 6
இஞ்சி- 1 துண்டு
சர்க்கரை-  5 மேசைக்கரண்டி
நெய்-  50 கிராம்
எலுமிச்சம் பழம்-  1
சீரகம்-  1 மேசைக்கரண்டி
உப்பு-  தேவையான அளவு

செய்முறை:

உருளைக்கிழங்கைத் தோல் சீவி சிறிய பொடியான துண்டுகளாக நறுக்க வேண்டும். வாணலியில் நெய்விட்டு காய்ந்ததும் சீரகத்தைப் போட்டு வெடித்ததும் இந்த உருளைக்கிழங்கு துண்டுகளைப் போட்டு வதக்கி வேக வைப்பதற்குத் தேவையான தண்ணீரை சேர்த்து மூடி வைக்க வேண்டும். 

வறுத்த வேர்க்கடலையைத் தோல் நீக்கி கரகரப்பாகப் பொடித்து கொள்ள வேண்டும். இதை வெந்து கொண்டிருக்கும் உருளைக்கிழங்குடன் சேர்த்துவிட வேண்டும். இஞ்சி, பச்சைமிளகாய் விழுதுடன் உப்பு, சர்க்கரை, எலுமிச்சம் பழச்சாறு ஆகியவற்றை நன்றாகக் கலந்து வெந்துகொண்டிருக்கும் கிழங்குடன் சேர்த்து நன்றாகக் கிளற வேண்டும். ஒரு தேக்கரண்டி நெய்விட்டு நன்றாகச் சேர்ந்து வரும் வரை கிளறவேண்டும். பின்னர் இறக்கி, மூடி வைக்க வேண்டும்.