குக்கர் வெயிட்டின் மீது தண்ணீர் விழாமல் கவனிக்க வேண்டும். வெயிட்டை கழுவவோ, கீழே போடவோ கூடாது.

உப்பு கலந்த நீரில் துணியை முக்கிவைத்து, பத்து நிமிடங்களுக்குப் பின்னர் அலசினால் காப்பி கறை மறைந்து போகும்.

கொதி நீரில் முக்கி எடுத்தால் தக்காளியின் மேல் தோல் எளிதாக வந்துவிடும்.

கடலைமாவும், எலுமிச்சைச் சாறும் கலந்து பசையாக்கித் தேய்த்தால் வெள்ளி நகைகள் பளபளப்பாகும்.

எண்ணெய், நெய் படிந்த பாத்திரங்களை முதலில் காகிதத்தால் துடைத்தவுடன் சோப்பினால் கழுவ, சுத்தமாகும்.

மசாலா அரைக்கும்போது பச்சை மிளகாய் அல்லது காய்ந்த மிளகாயை சேர்த்து அரைத்தால் நல்ல சுவையாக இருக்கும்.

வத்தக் குழம்பு செய்யும்போது, சிறிது கார்ன்ஃபிளவர் மாவைக் கரைத்து சேர்த்தால் சுவையும் சத்தும் அதிகமாகும்.

முருங்கை இலைகளை உருவிப் போட்டு காய்ச்சி வைத்தால், தேங்காய் எண்ணெய் காரமாக இருக்கும்.