1. அம்மா புடவையை மடிக்க முடியாது; அப்பா பணத்தை என்ன முடியாது. அது என்ன?

2. கண் காண உருவம் உண்டு; கட்டிப் பிடிக்க உடல் இல்லை. அது என்ன?

3. கண் சிமிட்டி, மணி அடித்து, கண்ணீர் வடிப்பர். அவர்கள் யார்?

4. கண்ணுக்குத் தெரியாதவன் கண்ணை மறப்பான். அவன் யார்?

5. கண்டு காய்காய்க்கும்; கானாமல் பூப்பூக்கும். அது என்ன?

6. கண்டு பூ பூக்கும்; காணாமல் காய் காய்க்கும். அது என்ன?

7. கண்ணாடிக் குண்டு காற்றிலே பறக்குது. கையால் தொட்டால் காணாமல் போகுது. அது என்ன?

8. கண்ணுக்குத் தெரியாததை கணப் பொழுதில் காட்டிடும். அது என்ன?

9. கண் உண்டு பார்க்காது; கால் உண்டு நடக்காது. அது என்ன?

10. சின்னத் தம்பி குனிய வைச்சான். அவன் யார்?

11. நெட்டை அக்கா தாக்குகிறாள்; குட்டை அக்கா தாங்குகிறாள். அவர்கள் யார்?

12. அக்கா வீட்டுக்கு தங்கை போகலாம்; தங்கை வீட்டுக்கு அக்காள் போக முடியாது. அவர்கள் யார்?

விடைகள்:

1.வானம்-விண்மீன்

2.புகை

3.மின்னல், இடி, மழை

4.இமை

5.அத்திமரம்

6.வேர்க்கடலை

7.நீர்க்குமிழி

8.பூதக் கண்ணாடி

9.நார்க் கட்டில்

10.முள்

11.உரல், உலக்கை

12.படி, ஆழாக்கு