நீரே உயிருக்கு ஆதாரம்!

நீரே உயிருக்கு ஆதாரம் - என்றும்

நீர்வளம் காத்தல் அறமாகும்!

பூமாதேவிக்குப் பொன்னாடை

புவி மீதினில் ஓடிடும் நீரோடை

வாழும் உயிர்கள் யாவினுக்கும் - வான்

வழங்கிய அமுதக் கொடையாகும்!

பூமியைத் தோண்டி நீர் எடுத்து புவி

வளத்தைக் கெடுத்து நாம் அழித்து

இயற்கை வளத்தை தொலைப்பதுபோல்

இல்லை வேறொரு பழிபாவம்!

நீர்வளம் காக்க முடிவெடுப்போம் - வரும்

சந்ததி வாழ வழிவகுப்போம்

பார்புகழ் வாழ அதுவொன்றே நாம்

செய்திடும் நல்ல செயலாகும்!

வாயிலா ஜீவன்கள் வாழ்ந்திடவும் - புவி

வளத்தைக் காத்து வாழ்ந்திடவும்

யாவரும் ஒன்றாய்ச் சேர்ந்திடுவோம்

இனிதே இங்கே வாழ்ந்திடுவோம்!