இரண்டு நரிகள் கூடியே

இரையைத் தேடிச் சென்றன!

திரண்டு கொடியில் ஆடிடும்

திராட்சைக் குலைகள் கண்டன!

எட்டிப் பறித்து உண்ணவே

இரண்டும் தமக்குள் எண்ணின!

திட்டம் கவிழ்த்துக் கொண்டதால்

சேர்ந்து முயற்சி பண்ணின!

ஒன்றின் முதுகில் ஒன்றுமே

உந்தி ஏறி நின்றுமே

அன்று பறித்து நன்றுமே

ஆசை தீரத் தின்றன!

கூட்டு முயற்சி என்றுமே

கொடுக்கும் வெற்றி என்றுமே

பாட்டுக் கதையில் இன்றுமே

படித்துக் கொள்க என்றன!