பள்ளிகள் யாவையும் பூவனங்கள்
பட்டாம் பூச்சிகள் மாணவர்கள்!
அள்ளி நற் போதனைத் தேன் வழங்கும் 
அனைத்து நூல்களும் பூவினங்கள்!

வன்பசி போக்கிட ஒரு பூத்தேன் 
வண்ணத்துப் பூச்சிக்குப் போதாது!
விண்புகழ் தேக்கிடச் சிலநூல்தான் 
விரித்துப் படித்தால் தேறாது!

வாயுடன் வயிறும் உள்ளவரை 
வருகிற பசியும் தீறாது!
ஆயுளும் உலகில் உள்ளவரை 
அறிவெனும் பசியும் ஆறாது!

தினைத்துணைத் தேனுக்குப் பல பூக்கள்
தேடிடும் பட்டாம் பூச்சிகள் போல் 
பனைத்துளை ஞானத்தைப் பலநூல்கள் 
படிப்பதில் பெர்றே வாழ்ந்திடுவீர்!