"அப்பா... நம்ம வீட்டுக் கட்டட வேலைக்கு 'மேஸ் டூ' வந்திருக்காங்க...''
"என்னது.. மேஸ்டூ வா...?''
"ஆமாம்பா... நேத்து மூனு பேரு வந்தபோது அவங்கள 'மேஸ்திரி' வந்திருக்காங்கன்னு சொன்னீங்களே... இப்போ ரெண்டு பேர்தான் வந்திருக்காங்க...''
--------------
"தேவி... ஏன் இவ்வளவு லேட்டா ஸ்கூலுக்கு வர்ற...?''
"தினமும் லேட்டா வர்ற நீங்க இன்னிக்கு சீக்கிரம் வந்துட்டீங்க டீச்சர்...''
--------------
"பரிட்சைப் பேப்பருல ஏன் இப்படிக் கண்டதையும் எழுதி வெச்சிருக்க..?''
"நீங்கதானே சார் ... தெரிஞ்சதை மட்டும் எழுதச் சொன்னீங்க...''
--------------
"என்னது... செருப்பு காலைக் கடிச்சதுக்கு பல் டாக்டர்கிட்ட போனியா... எதுக்கு?''
"கடிக்கிற செருப்போட பல்லைப் புடுங்கத்தான்...''
--------------
"உண்மைக்கு எதிர்ப்பதம் என்னன்னு கேட்டா எதுவும் சொல்லாம நிக்கிறியே...''
"எங்கப்பா என்னைப் பொய் சொல்லக்கூடாதுன்னு சொல்லியிருக்காரு மிஸ்...''
--------------
"வாயைத் திறந்து ஆ காட்டுங்க...''
"என்ன டாக்டர் கிண்டல் பண்றீங்க... வாய்க்குள்ள பல்லுதானே இருக்கும்.... 'ஆ' எப்படி இருக்கும்...?''