பட்டாம்பூச்சிகள் மிகவும் அழகாக இருக்கின்றன. இதில் எந்த வகை சிறந்தது, இவற்றின் ஆயுட்காலம் எவ்வளவு? 

பட்டாம்பூச்சிகளைப் பார்த்தாலே மனம் துள்ளும். உலகில் விதவிதமான பட்டாம்பூச்சிகள் உள்ளன. அத்தனையும் அழகோ அழகு... கொள்ளை அழகு. இவற்றில்தான் எத்தனை வண்ணங்கள்!

இவற்றில் மிகவும் அழகானவை "மோனார்க்' என்று அழைக்கப்படும் பட்டாம்பூச்சிதான். இது அளவிலும் மிகப் பெரியது. இது சிறகை விரித்தால் 3.7 அங்குலத்திலிருந்து 4.1 அங்குலம் நீளம் வரை இருக்கும். இந்த வகை பட்டாம்பூச்சிகள் வட அமெரிக்காவில் கூட்டம் கூட்டமாகக் காணப்படும்.

நாம் பார்க்கும் சாதாரண பட்டாம்பூச்சிகளின் ஆயுட்காலம் 6-இல் இருந்து 14 நாள்கள் வரைதான். மோனார்க் பட்டாம்பூச்சி 6-இல் இருந்து 9 மாதங்கள் வரை வாழும். உலகிலேயே மிக நீண்ட ஆயுள்காலத்தைக் கொண்ட பட்டாம்பூச்சி வட அமெரிக்காவில் வாழ்கிறது. இது "மோர்னிங் க்ளோக்' என்று அழைக்கப்படுகிறது. இதன் ஆயுட்காலம் 11 மாதங்கள்.