உதிச்ச என்று எழுதாதே! தம்பி

உதித்த என்றே எழுதிடு!

உடம்படிக்கை என்று எழுதாதே!- தம்பி

உடன்படிக்கை என்றே எழுதிடு!

உன்னோட என்று எழுதாதே!- தம்பி

உன்னுடைய என்றே எழுதிடு!

உந்தன் என்று எழுதாதே!- தம்பி

உன்றன் என்றே எழுதிடு!

உம்மனாம்மூஞ்சி என்று எழுதாதே!- தம்பி

உம்மென்னும்முகம் என்றே எழுதிடு!

ஊர்சுத்தி என்று எழுதாதே!- தம்பி

ஊர்சுற்றி என்றே எழுதிடு!

ஊத்தி என்று எழுதாதே!- தம்பி

ஊற்றி என்றே எழுதிடு!

தவறாய்த் தமிழை எழுதாதே!- தம்பி

சரியாய் எழுதப் பழகிடு!