* தில்லியில் "தில்லி கேட்', "காஷ்மீர் கேட்' , "அஜ்மீர் கேட்', "லாஹனர் கேட்' ...என்று 14 விதமான நுழைவாயில்கள் உள்ளன. சரித்திரத்தில் இவை ஒவ்வொன்றும் ஆட்சி செய்த அரசர்களால் தில்லியில் நுழையவும், வெளியேறவும் பயன்பட்டன.

* சப்போட்டா பழத்தில் கறுப்பு நிற சப்போட்டா என்று ஒரு வகை உண்டு. ஆஸ்திரேலியாவிலும், அமெரிக்காவிலும் விளையும் இவற்றின் உள்ளே கருப்பு நிறமான பேஸ்ட்டும், சிறு சுளைகளாலும் இருக்கும். இது அசல் சாக்லெட் சுவையோடு இருக்கும்.

* வானவில்லை பார்க்கும்போது ஒரே மாதிரிதான் இருக்கும். ஆனால் இது கோணத்துக்கு கோணம் வித்தியாசமாகத் தெரியும். இருவர் அருகருகே நின்று பார்க்கும்போது, அதன் உருவ வளைவுகள், அளவுகள், வண்ணக்கற்றைகள் வெவ்வேறாகவே தெரியும்.

* கேரட் எப்போதும் இனிக்கும். ஆனால், குளிர்காலத்தில் மிகவும் இனிப்பாக இருக்கும். காரணம், இவற்றில் சேமிக்கப்பட்டிருக்கும் ஸ்டார்ச் சத்து சர்க்கரை சத்தாக மாறுகிறது.

-சம்பத்குமாரி, பொன்மலை.