தெரியுமா?

மதுரை மீனாட்சி அம்மன் கோயிலைக் கட்டி முடிக்க 120 ஆண்டுகள் ஆயின.

திருமலை நாயக்கர் மகாலைக் கட்டி முடிக்க 23 ஆண்டுகள் ஆயின.

ஜி.யு.போப் 75 வயதைக் கடந்தவுடன் திருவாசகத்தை மொழிபெயர்க்கத் தொடங்கினார். 656 பாடல்களை 5 ஆண்டுகளில் மொழியாக்கம் செய்து, 1900 ஏப். 24-இல் தனது 80-ஆவது வயதில் நூலாக வெளியிட்டார். சாதனைகளுக்கு வயது தடையில்லை.

இரண்டு நாடுகளுக்கு நடைபெற்ற மிகச் சிறிய போர் 1896-இல் நிகழ்ந்தது. இங்கிலாந்தும் சான்சிபார் நாடும் 38 நிமிடங்களில் போரை முடித்துவிட்டன.

மனித மூளையால் 90 ஆயிரம் கோடி சொற்களை நினைவுப்படுத்த முடியும். உடலில் வலி ஏற்பட்டால் அதை உணர்த்துவதும் மூளைதான். ஆனால், மூளையில் ஏதேனும் காயம் ஏற்பட்டால், அந்த வலியை உணரும் சக்தி அதற்கு கிடையாது.

இலையின் ஐந்து பருவங்கள்: குழந்தைப் பருவம்- கொழுந்து, இளமைப் பருவம்- தளிர், காதல் பருவம்0- இலை, முதுமைப் பருவம்- பழுப்பு, இறுதிப் பருவம்- சருகு.

கங்காரு தனது கைகளால் சண்டை போடும்.

யானை குறட்டைவிட்டு தூங்கும்.

தொல்காப்பியம் தோன்றுவதற்கு 4 ஆயிரம் ஆண்டுகளுக்கு முன்பே யாழ் உருவானது. 5 ஆயிரம் ஆண்டுகளுக்கு முன்பே ஹரப்பா நாகரிகத்தில், யாழ் காணப்படுகிறது. 21 நரம்புகளைக் கொண்ட பேரி யாழ், 17 நரம்புகளைக் கொண்ட மகரயாழ், 16 நரம்புகளைக் கொண்ட ககோடயாழ், 7 நரம்புகளைக் கொண்ட செங்கோட்டி யாழ் என்று பலவகைகளில் இவை காணப்படுகின்றன.