மரங்கள்...

மரங்கள் யாவு மிங்கே

நாம் பெற்ற வரங்கள் தம்பி

உயிர்களின் தாய்வீடன்றோ?

உணர்ந்துநீ மதிப்பாய் தம்பி!

--

மண்ணிலே நின்று தூயக்

காற்றினை வீசக் கண்டாய்

வண்ணநல் பறவைக் கூட்டம்

வாழ்ந்திடும் விடுதி யன்றே?

--

நிழலாகி கனிக ளாகி

இலவச மருந்து மாகி

மழைவர காரண மாகி

மனிதரைக் காக்கும் தம்பி!

--

இயற்கையாம் அன்னை மண்ணில்

எழுதிய காவியம் தம்பி!

நின்றஅதன் அழகுத் தோற்றம்

நிகரிலா ஓவியம் தம்பி!

பாவலர் கருமலைப்பழம் நீ