பிரியதர்ஷன் இயக்கத்தில் அக்ஷய்குமாருடன் "கட்டா மட்டா' ஹிந்திப் படத்தில் நடிக் கிறார் த்ரிஷா. இதனால் தனக்கு வரும் தமிழ், தெலுங்குப் பட வாய்ப்புகளை நிராகரித்து வருகிறார். தெலுங்கில் ஜூனியர் என்.டி.ஆர். ஜோடியாக "பிருந்தாவனம்' என்ற படத்தில் நடிக்க கால்ஷீட் கொடுத்திருந்தார். இந்தப் படத்துக்காக சுமார் 75 லட்சம் ரூபாய் சம்பளம் பேசப்பட்டிருந்தது. ஆனாலும் ஹிந்திப் படத்தில் மட்டுமே முழு கவனமும் இருக்க வேண்டும் என்பதற்காக "பிருந்தாவனம்' படத்திலிருந்தும் விலகிவிட்டார். சிம்புவுடன் நடிக்கும் "விண்ணைத்தாண்டி வருவாயா' படம் மட்டுமே தற்போது தமிழில் கைவசம் உள்ளது. இதையடுத்து 2010-ம் ஆண்டு இறுதியில்தான் தென்னிந்தியப் படங்களுக்கு கால்ஷீட் கொடுப்பார் த்ரிஷா என்கிறது அவரது வட்டாரம்.