பெயர்கள் வந்தவிதம்!

லெமன்: எலுமிச்சம் பழத்தை ஆங்கிலத்தில் "லெமன்' என அழைக்கிறோம். இந்தப் பழம் அரேபியர்களால் "லெமியம்' எனப்பட்டது. இதுவே ஆங்கிலத்தில் "லெமன்' என்றாகியது.

பைன் ஆப்பிள்: கூரிய இலைகளையும் கூம்பிய வடிவக் கனிகளையும் கொண்ட தாவர வகையை ஆங்கிலத்தில் "பைன்' என்று அழைத்தனர். இதன் அடிப்படையில்தான் "பைன் ஆப்பிள்' என்ற பெயர் உருவானது.

டுபாக்கோ: இந்த இலையைச் சுருட்டி வாயில் வைத்துப் புகைத்தால் வரும் புகையை இழுப்பது சுவாரஸ்யமாக இருக்கும் என்பதை செவ்விந்தியர்கள் முதன்முறையாகக் கண்டனர். இலைகளை அவ்வாறு சுருட்டுவதை அவர்கள் தங்கள் மொழியில் "டோபாகுகா' என்றனர். அதுவே காலப்போக்கில் மருவி டூபாக்கோ என ஆயிற்று.

டீடீ: அமெரிக்காவில் உருளைக் கிழங்கிற்கு டீடீ என்று பெயர் உண்டு. உருளைக் கிழங்கை உணவாகப் பயன்படுத்தலாம் என்று கண்டுபிடித்துச் சொன்ன அமெரிக்கரின் பெயர் டீடீ. இதன் காரணமாக அந்த உருளைக் கிழங்கிற்கு டீடீ என்ற பெயரும் இருந்துவருகிறது.