மயில் இந்தியாவின் தேசிய பறவை. அது மட்டுமல்ல; பூட்டானின் தேசிய பறவையும் மயில்தான்.
நீல மயில்... பச்சை மயில் என்ற ரகங்களை இந்தியாவில் காணலாம்.
ஆண் மயிலுக்கே பெரிய தோகை உண்டு. நன்கு வளர்ந்து முதிர்ந்த மயிலுக்கு தோகை சுமார் 200 செ.மீ. நீளம் வரை இருக்கும். மயில்கள் இந்தியாவிலிருந்துதான் மற்ற நாடுகளுக்கும் பரவின. இந்து மதம், புத்த மதத்தில் மயிலுக்கு முக்கியத்துவம் உண்டு. ரிக் வேதத்திலேயே மயில் பற்றி குறிப்பிடப்பட்டுள்ளது.
இந்திய கலாசாரத்தில் மயில் மிக முக்கிய இடத்தைப் பிடித்துள்ளது.