சிவாஜி கணேசன் ஒரு திரைப்படத்தை இயக்கி இருக்கிறார் என்று உங்களுக்குத் தெரியுமா? ஆம்;  ரத்த பாசம்' என்ற படத்தை இயக்கியவர், பாதி படத்துக்கு மேல் இயக்க முடியாததால், மீதிப் படத்தை சிவாஜியே இயக்கினார். படத்தின் பெயர்ப் பட்டியலில் (டைட்டில்) இயக்கம் என்ற பெயர் வர வேண்டிய இடத்தில் எவரது பெயரும் இடம்பெறாமல் சிவாஜி கணேசனின் புகைப்படங்கள் மட்டுமே திரையில் காண்பிக்கப்படும்.

பண்டரிபாய் முதல் சுமார் 55 கதாநாயகிகள் சிவாஜியுடன் இணைந்து நடித்துள்ளனர். இவர்களில் கே.ஆர்.விஜயா 40 படங்களிலும், பத்மினி 38 படங்களிலும் இணைந்து நடித்துள்ளனர்.

சிவாஜி கணேசனுக்காக இசையமைப்பாளர் கண்டசாலா, "கள்வனின் காதலி' என்ற படத்தில் "வெய்யிற்கேற்ற நிழலுண்டு' என்ற ஒரேயொரு பாடலைப் பாடியுள்ளார்.

சிவாஜிக்கு பாடியவர்களில் டி.ஏ.மோதியும் ஒருவர். "சபாஷ் மீனா' படத்தில் "காணா இன்பம் கனிந்ததேனோ' என்று பாடல். மழையில் நனைந்தபடி, சிவாஜியும் மாலினியும் பாடுவார்கள். மறக்க முடியாத குரல்.

பாரதியார் பாடல்கள் மட்டும் பயன்படுத்தப்பட்ட ஒரே சிவாஜி படம் "கப்பலோட்டிய தமிழன்'.

சிவாஜி நடித்த படங்களில் அவருக்கு பாடல்கள் இருந்தும், அவர் பாடாமல் இருந்த படங்கள்: "மோட்டார் சுந்தரம் பிள்ளை', "தில்லானா மோகனாம்பாள்'.