ரயில் தண்டவாளங்களில் கற்கள் இருப்பதைப் பார்த்திருக்கிறோம். இந்தக் கற்கள் 'டிராக் பேலாஸ்ட்' என்று அழைக்கப்படுகின்றன. இந்த வகை கற்களைப் பயன்படுத்துவதற்கான காரணங்கள் என்ன தெரியுமா?

 கூழாங்கற்கள் போன்ற கற்களைப் பயன்படுத்தினால், ரயில் கடக்கும்போது அவை ஒன்றுடன் ஒன்று சறுக்கும். அதிகம் நகராத கற்களே ரயில் பாதைகளுக்கு ஏற்றது. கூர்மையான விளிம்புகள் கொண்ட இந்தக் கற்கள் தண்டவாளத்தை சரியான இடத்தில் நிலைநிறுத்த உதவுகின்றன.

இந்தக் கற்களானது ரயில் பாதைகளில் தாவரங்கள் வளர அனுமதிக்காது. இதனால் தண்டவாளங்களில் ரயில் இடையூறு இல்லாமல் செல்ல முடியும்.

 'டிராக் பேலாஸ்ட்' ரயில் பாதையில் தண்ணீர் சேர்வதைத் தடுக்கிறது. இது முற்றிலும் தடுக்காது என்றாலும், தண்டவாளத்தின் அடியில் அல்லது அதைச் சுற்றி சரியான வடிகால் வசதியை வழங்கி தண்ணீர் தேங்காமல் பார்த்துகொள்கிறது.

 தண்டவாளத்தின் மீது ரயில்கள் கடந்து செல்லும்போது, கடுமையான அதிர்வுகள் ஏற்படுகின்றன. இந்த அதிர்வுகள் அருகிலுள்ள கட்டடங்களுக்கு பாதிப்பை ஏற்படுத்தலாம். இந்தக் கூர்மையான கற்கள் தண்டவாளங்கலில் ஏற்படும் அதிர்வுகளை சற்று குறைக்கிறது.

தண்டவாளத்தின் மீது ரயில்கள் செல்லும்போது, அழுத்தம் காரணமாகத் தண்டவாளங்கள் விலகாமல் இருப்பதற்கு கற்கள் நிரப்பப்படுகின்றன.