டமாஸ்கஸ்: ரஷ்ய ராணுவ விமானம் ஒன்று சிரியாவில் விழுந்து ஏற்பட்ட விபத்தில் 32 பேர் பலியானார்கள்.
சிரியாவில் நடந்து வரும் உள்நாட்டு யுத்தத்தில் அரசுப் படைகளுக்கு ஆதரவாக ரஷ்யா போரில் ஈடுபட்டு வருகிறது. யுத்த தளவாடங்கள் மற்றும் வீரர்களும் ரஷ்யா சார்பாக சிரிய போரில் ஈடுபட்டு வருகின்றனர்.
அதன்படி ரஷ்யாவிலிருந்து இன்று யுத்த தளவாடங்கள் மற்றும் வீரர்களுடன் ரஷ்ய விமானப் படை விமானம் ஒன்று சிரியாவில் பறந்து கொண்டிருந்தது. ஜராக்கியா என்ற இடத்தின் அருகிலுள்ள சிரிய விமானப் படை தளத்தினை நோக்கி அது சென்று கொண்டிருந்தது.
அப்பொழுது எதிர்பாராத விதமாக விமானம் விழுந்து நொறுங்கியது. இதில் அந்த விமானத்தில் பயணம் செய்த 32 பேர் பலியானார்கள் என்று அங்கிருந்து வரும் தகவல்கள் தெரிவிக்கின்றன
விபத்துக்கான காரணம் தொடர்பாக விசாரணை நடைபெற்று வருகிறது.