அமெரிக்காவில் வரும் 2020-ஆம் ஆண்டு நடைபெறவிருக்கும் அதிபர் தேர்தலில் போட்டியிடுவது குறித்து ஹவாய் மாகாண எம்.பி. துளசி கபார்ட் பரிசீலித்து வருவதாக தகவல்கள் தெரிவிக்கின்றன.
 இதுகுறித்து, லாஸ் ஏஞ்சலீஸ் நகரில் நடைபெற்ற நிகழ்ச்சியொன்றில், துளசி கபார்டை இந்திய-அமெரிக்க மருத்துவர் சம்பத் சிவாங்கி அறிமுகப்படுத்திக் கூறுகையில், "வரும் 2020-ஆம் ஆண்டில் அமெரிக்க அதிபராக இவர் பொறுப்பேற்கலாம்' என்று அறிவித்தார். அதற்கு, அந்தக் கூட்டத்தில் இருந்த அனைவரும் எழுந்து நின்று கைதட்டி வரவேற்பு அளித்தனர்.
 ஜனநாயகக் கட்சியைச் சேர்ந்த துளசி கபார்ட், ஹவாய் மாகாணத்தின் 2-ஆவது தொகுதி எம்.பி.யாக பொறுப்பு வகித்து வருகிறார். சமோவா தீவுகளைப் பூர்விகமாக் கொண்ட இவர்தான் அமெரிக்காவின் முதல் நாடாளுமன்ற உறுப்பினர் என்பது குறிப்பிடத்தக்கது.