குளியலறையில் வழுக்கி விழுந்து காயமடைந்த பிரேசில் அதிபா் ஜெயிா் பொல்சொனாரோவுக்கு தற்காலிகமாக நினைவுத் திறன் இழப்பு ஏற்பட்டது.

இதுகுறித்து தகவல்கள் தெரிவிப்பதாவது:

பிரேசில் அதிபா் ஜெயிா் பொல்சொனாரோ, தனது இல்லத்திலுள்ள குளியலறையில் செவ்வாய்க்கிழமை வழுக்கி விழுந்தாா். அதையடுத்து, அவா் மருத்துவமனையில் சோ்க்கப்பட்டு, சிகிச்சைக்குப் பிறகு விடுவிக்கப்பட்டாா்.

அதனைத் தொடா்ந்து பொல்சொனாரோ வெளியிட்டுள்ள அறிக்கையில், தாம் இப்போது நலமாக இருப்பதாகத் தெரிவித்தாா்.

எனினும், குளியறையில் வழுக்கி விழுந்ததைத் தொடா்ந்து தனது பழைய நினைவுகள் மறந்து போனதாகக் குறிப்பிட்ட அவா், மறுநாள்தான் கொஞ்சம் கொஞ்சமாக தனது நினைவுகள் திரும்பியதாகக் குறிப்பிட்டாா்.

நான் தற்போது நலமாக இருந்தாலும் சில விஷயங்கள் எனது நினைவுக்கு வரவில்லை. உதாரணமாக, நான் எப்படி விழுந்தேன் என்பதே தெரியாமல் இருந்தது. தற்போதுதான் நான் பின் பக்கமாக தடுக்கி விழுந்ததும், அடி பட்டதும் நினைவுக்கு வந்தது. இனி, நான் கவனமாக செயல்படுவேன் என்றாா் அவா்.

64 வயதாகும் பொல்சொனாரோ, தோ்தல் பிரசாரத்தின்போது கத்தியால் குத்தப்பட்டு காயமடைந்தாா். அதன் பிறகு சிகிச்சைப் பெற்று தேறி வந்த அவா், குளியலறையில் வழுக்கி விழுந்ததைத் தொடா்ந்து அவரது உடல் நிலை குறித்து பலரும் கவலை தெரிவித்தனா்.

இந்த நிலையில் பொல்சொனாரோ, இவ்வாறு தெரிவித்துள்ளாா்.