அமெரிக்கா என்ன அமைந்தகரையா? கொஞ்சம் மழை பெய்ததும் வெள்ளக்காடாவதற்கு என்று கிண்டலடிப்பவர்களுக்கு ஒரு முக்கியச் செய்தி காத்திருக்கிறது.

ஆம், அமெரிக்காவின் வாஷிங்டன் உள்ளிட்ட பகுதிகளில் பெய்த கன மழை காரணமாக பல பகுதிகளில் வெள்ளம் பெருக்கெடுத்து ஓடுகிறது.

அதுவும் அமெரிக்காவின் தலைநகரான வாஷிங்டனில் ஏற்பட்ட கடும் வெள்ளம் வெள்ளை மாளிகையையும் விட்டு வைக்கவில்லையாம். வெள்ளை மாளிகையின் சில பகுதிகளில் வெள்ளம் சூழ்ந்துவிட்டதால் அதிகாரிகள் செய்வதறியாது திகைத்துள்ளனர்.

மழை மற்றும் வெள்ளம் காரணமாக ரயில் போக்குவரத்து பாதிக்கப்பட்டுள்ளது. பல இடங்களில் மின்சாரம் துண்டிக்கப்பட்டுள்ளது. சாலைகளில் வெள்ளத்தில் மூழ்கிக் கிடக்கும் கார்களையும் ஆங்காங்கே பார்க்க முடிகிறது.

திடீரென சாலைகளில் மழை நீர் சூழ்ந்து கொண்டதைப் பார்த்த பொதுமக்கள் வாகனங்களை விட்டுவிட்டு தப்பியோடினர்.

ஆமாங்க.. கன மழை எங்கு பெய்தாலும் வெள்ளம் ஏற்படும். அது அமெரிக்காவாக இருந்தாலும் சரி, அமைந்தகரையாக இருந்தாலும் சரிதான்.