ரஷியாவில் கடந்த 24 மணி நேரத்தில் 6,760 பேருக்கு கரோனா வைரஸ் தொற்று உறுதியானதை அடுத்து மொத்த பாதிப்பு 6,61,165 ஆக அதிகரித்துள்ளது. 

உலக அளவில் கரோனா அதிகம் பாதிக்கப்பட்ட நாடுகளில் அமெரிக்கா மற்றும் பிரேசிலைத் தொடர்ந்து, ரஷியா 3 ஆம் இடத்தில் உள்ளது. இங்கு நாள் ஒன்றுக்கு ஏற்படும் பாதிப்பு 8 ஆயிரம் என்ற அளவில் இருந்து வருகிறது. 

இந்நிலையில், ரஷியாவில் கடந்த 24 மணி நேரத்தில் 6,760 பேருக்கு தொற்று இருப்பது உறுதி ஆகியுள்ளது. இதையடுத்து, அந்நாட்டில் மொத்த பாதிப்பு 6,61,165 ஆக அதிகரித்துள்ளது. 

மேலும், கடந்த 24 மணி நேரத்தில் 147 பேர் பலியாகியுள்ளதை அடுத்து மொத்த உயிரிழப்பு 9,683 ஆக உயர்ந்துள்ளது. அதே நேரத்தில் தற்போது வரை 4,28,978 பேர் முழுமையாக சிகிச்சை பெற்று குணமடைந்துள்ளனர்.