பாகிஸ்தானில் குறைந்துவரும் கரோனா பாதிப்பு

பாகிஸ்தானில் கடந்த இரண்டரை மாதங்களில், இன்று தான் கரோனா பாதிப்பு எண்ணிக்கை குறைவாக பதிவாகி இருப்பதாக அந்த நாட்டு சுகாதாரத்துறை அமைச்சகம் தெரிவித்துள்ளது. 

கடந்த 24 மணி நேரத்தில் புதிதாக 1,013 பேர் கரோனா தொற்றுக்கு பாதிக்கப்பட்டுள்ள நிலையில், இதுவரை அந்த நாட்டில் மொத்த பாதிப்பு 2,66,095 ஆக உயர்ந்துள்ளது. 

இதையடுத்து, ஒரே நாளில் 40 பேர் பலியாகியுள்ள நிலையில் மொத்த உயிரிழப்பு 5,639 ஆக அதிகரித்துள்ளது. மேலும் 1,481 பேர் ஆபத்தான நிலையில் சிகிச்சை பெற்று வருகின்றனர். 

தொற்று நோயால் பாதிக்கப்பட்டு, சிகிச்சையில் இருந்த 2,08,030 பேர் இதுவரை குணமடைந்துள்ளனர். திங்கள்கிழமை ஒரே நாளில் 17,783 பேருக்கு சோதனை செய்யப்பட்ட நிலையில், 1,013 பேருக்கு தொற்று பாதித்துள்ளது. 

இதுவரை நாட்டில் 1,75,8,551 பேருக்கு கரோனா பரிசோதனை செய்யப்பட்டுள்ளது என்பது குறிப்பிடத்தக்கது.