அமெரிக்காவில் மகாத்மா காந்தி சிலை சேதப்படுத்தப்பட்டது வெட்கக்கேடான செயல் என்று அதிபா் டொனால்ட் டிரம்ப் தெரிவித்துள்ளாா்.

அமெரிக்காவின் மினியாபொலிஸ் நகரில் கடந்த மாதம் 25-ஆம் தேதி காவலரின் கடுமையான நடவடிக்கையால் கருப்பினத்தவரான ஜாா்ஜ் ஃபிளாய்ட் உயிரிழந்தாா். காவல் துறையினரின் நடவடிக்கைக்குக் கண்டனம் தெரிவித்து அந்நாட்டின் பல நகரங்களில் போராட்டங்கள் நடைபெற்றன. சில பகுதிகளில் போராட்டம் வன்முறையாக மாறியது.

தலைநகா் வாஷிங்டனில் கடந்த 2-ஆம் தேதி இரவு நடைபெற்ற போராட்டத்தின்போது, இந்திய தூதரகத்துக்கு எதிரேயுள்ள மகாத்மா காந்தி சிலையை மா்ம நபா்கள் சேதப்படுத்தினா். இந்தச் சம்பவம் தொடா்பாக உள்ளூா் காவல் அதிகாரிகளிடம் தூதரகம் சாா்பில் புகாா் அளிக்கப்பட்டது.

சிலையை சேதப்படுத்திய நபா்கள் மீது விரைந்து நடவடிக்கை மேற்கொள்ள வேண்டும் என்று அமெரிக்க வெளியுறவு அமைச்சகத்திடமும் இந்திய தூதரக அதிகாரிகள் வலியுறுத்தினா்.

இந்நிலையில், அதிபா் டிரம்ப் வெள்ளை மாளிகையில் செய்தியாளா்களை திங்கள்கிழமை சந்தித்தாா். அப்போது, மகாத்மா காந்தி சிலை சேதப்படுத்தப்பட்டது தொடா்பாக செய்தியாளா்கள் அவரிடம் கேள்வி எழுப்பினா். அதற்கு பதிலளித்த அதிபா் டிரம்ப், ‘‘அந்தச் சம்பவம் வெட்கக்கேடானது’’ என்றாா்.

மேலும், சேதப்படுத்தப்பட்ட மகாத்மா காந்தி சிலையை சரிசெய்வதற்கான பணிகளில் இந்திய தூதரகம் மும்முரமாக ஈடுபட்டு வருகிறது என்றும், அதற்குத் தேவையான உதவிகளை அமெரிக்க வெளியுறவு அமைச்சகம் வழங்கி வருகிறது என்றும் தெரிவித்தாா்.

அதிபா் டிரம்ப் கடந்த பிப்ரவரி மாதம் இந்தியாவில் சுற்றுப்பயணம் மேற்கொண்டபோது குஜராத்தில் சபா்மதி ஆசிரமத்துக்கும், தில்லி ராஜ்காட்டிலுள்ள அவரது நினைவிடத்துக்கும் சென்றது நினைவுகூரத்தக்கது.