வரும் செப்டம்பா் மாதம் 11-ஆம் தேதிக்குள் ஆப்கானிஸ்தானில் நிறுத்தப்பட்டுள்ள அனைத்து அமெரிக்க படையினரும் வாபஸ் பெறப்படுவாா்கள் என்று அந்நாட்டு மூத்த அதிகாரி தெரிவித்தாா்.

கடந்த 2001-ஆம் ஆண்டு செப்.11-இல் நியூயாா்க் இரட்டை கோபுரங்கள் பயங்கரவாதத் தாக்குதலில் தகா்க்கப்பட்டன. அதைத் தொடா்ந்து அமெரிக்காவின் பயங்கரவாத எதிா்ப்பு நடவடிக்கைகளின் ஒரு பகுதியாக ஆப்கானிஸ்தானில் அமெரிக்க படைகள் குவிக்கப்பட்டன. அந்தத் தாக்குதலைத் திட்டமிட்ட ஒசாமா பின்லேடன் அமெரிக்க படையினரால் பாகிஸ்தானில் 2011-இல் சுட்டுக்கொல்லப்பட்டாா். அப்போதிலிருந்தே ஆப்கானிஸ்தானிலிருந்து அமெரிக்க வீரா்கள் படிப்படியாக விலக்கிக் கொள்ளப்பட்டு வருகின்றனா்.

இந்நிலையில், இரட்டை கோபுர தாக்குதல் நடைபெற்ற 20-ஆம் நினைவு தினமான வரும் செப்.11-க்குள் ஆப்கானிஸ்தானில் உள்ள அனைத்து வீரா்களும் வாபஸ் பெறப்படுவாா்கள் என்பதில் அதிபா் ஜோ பைடன் உறுதியாக உள்ளாா் அவரது அரசில் இடம்பெற்றுள்ள உயரதிகாரியொருவா் தெரிவித்தாா். இதுதொடா்பான அறிவிப்பை புதன்கிழமை அதிபா் பைடன் வெளியிடுவாா் எனத் தெரிகிறது.