ஆப்கனில் தலிபான்கள் தாக்குதல்: 9 பேர் பலி

ஆப்கானிஸ்தான் நாட்டின் நிம்ருஸ் மாகாணத்தில் தலிபான்கள் நடத்திய தாக்குதலில் 9 பாதுகாப்பு படை வீரர்கள் பலியாகினர்.

ஆப்கானிஸ்தான் நாட்டின் நிம்ருஸ் மாகாணத்தில் உள்ள  காஷ் ரோட் மாவட்ட பாதுகாப்பு மையத்தில் செவ்வாய்க்கிழமை தலிபான்கள் திடீர் தாக்குதலில் ஈடுபட்டனர்.

இந்தத் தாக்குதலில் பாதுகாப்பு படையைச் சேர்ந்த 9 பேர் கொல்லப்பட்டனர். மேலும் 5 பேர் படுகாயமடைந்தனர். தலிபான்கள் தாக்குதல் குறித்து காவல்துறையினர் விசாரணை மேற்கொண்டு வருகின்றனர்.