ஏமன் - சவுதி கூட்டுப்படையினர் நடத்திய வான்வழித் தாக்குதலில் கடந்த 3 நாட்களில் ஹவுதி கிளர்ச்சியாளர்கள் 264 பேர் பலியாகியிருக்கிறார்கள்.

ஹவுதி கிளர்ச்சியாளர்கள் ஏமன் நாட்டின் மரீப்  மாகாணத்தில்  எண்ணை வளம் மிக்க கிணறுகளைக் கைபற்றும் முயற்சியில் கடந்த பிப்ரவரி மாதம் முதல் ஈடுபட்டு வருகிறார்கள். இதனால் ஏமன் அரசு அவர்களைக் கட்டுபடுத்தும் நோக்குடன் அடிக்கடி தாக்குதல் நடத்தி வருகிறது.

இதையும் படிக்க | பாகிஸ்தானிடம் படுதோல்வி அடைந்த இந்திய அணி: முகமது ஷமியை இழிவுபடுத்தும் ரசிகர்கள்!

இந்நிலையில் கடந்த 3 நாட்களாக மரீப் பகுதியில் ஹவுதி கிளர்ச்சியாளர்கள் மீது ஏமன் தலைமையிலான சவுதி கூட்டுப் படையினர் பதுங்கியிருந்து வான்வழித் தாக்குதலில் ஈடுபட்டனர். 

இதில் அல்-ஜாப்வா மற்றும் அல்-கசாரா மாவட்டத்தில் தாக்குதல் நடத்திய ஹவுதி அமைப்பைச் சேர்ந்த 264 பேர் உயிரிழந்திருந்ததாகவும் அவர்கள் பயன்படுத்திய 36 ஆயுதம் தாங்கிய வாகனங்களும் தகர்க்கப்பட்டதாகவும் கூட்டுப்படை சார்பில் தெரிவிக்கப்பட்டிருக்கிறது.

மேலும் ஹவுதி கிளர்ச்சியாளர்களின் தாக்குதல்கள் அதிகரித்து வருவதால் தான் தொடர்ந்து பதிலடி தருகிறோம் என ஏமன் அரசு தெரிவித்திருக்கிறது.

முன்னதாக கடந்த அக்.21 அன்று ஏமன் - சவுதி கூட்டுப்படையினர் நடத்திய வான்வழித் தாக்குதலில்  ஹவுதி கிளர்ச்சியாளர்கள் 64 பேர் பலியானது குறிப்பிடத்தக்கது.