அமெரிக்க அதிபா் ஜோ பைடன் வெள்ளை மாளிகையில் தீபாவளி பண்டிகையைக் கொண்டாட திட்டமிட்டுள்ளாா்.

ஜாா்ஜ் டபிள்யூ. புஷ் அதிபராக இருந்த காலத்தில் இருந்து ஆண்டு தோறும் வெள்ளை மாளிகையில் தீபாவளி பண்டிகை கொண்டாடப்பட்டு வருகிறது. கடந்த ஆண்டு வெள்ளை மாளிகையில் ஜோ பைடன் தீபாவளி கொண்டினாா். இந்த ஆண்டும் அதைத் தொடா்வாரா? என்ற கேள்வி எழுந்தது.

இந்நிலையில் வெள்ளை மாளிகை செய்தித் தொடா்பாளா் கேரி ஜீன்-பொ்ரி இது தொடா்பாக கூறுகையில், ‘இந்த ஆண்டும் வெள்ளை மாளிகையில் தீபாவளி கொண்டாட திட்டமிடப்பட்டுள்ளது. ஆனால், தேதி, நேரம் முடிவு செய்யப்படவில்லை. இந்தியா மற்றும் இந்திய-அமெரிக்கா்களுடனான உறவு மிகவும் முக்கியமானது. எனவே, தீபாவளிப் பண்டிகையை கொண்டாடுவதை முக்கியமானதாக அதிபா் கருதுகிறாா்’ என்றாா்.

அமெரிக்காவின் மேரிலேண்ட் மாகாண ஆளுநா் லாரன்ஸ் கோஹன், நடப்பு அக்டோபா் மாதத்தை ஹிந்து பாரம்பரிய மாதமாக அறிவித்துள்ளாா் என்பது குறிப்பிடத்தக்கது.