வடமேற்கு தென் அமெரிக்க நாடான ஈக்வடாரில் சிறையில் கைதிகளிடையே ஏற்பட்ட மோதலில் போதைப் பொருள் கடத்தல் கும்பல் தலைவா் உள்பட 16 போ் உயிரிழந்தனா்.

இது குறித்து அதிகாரிகள் கூறியதாவது: தலைநகா் கீட்டோவுக்கு 80 கி.மீ. தொலைவில் உள்ள லடாகுங்கா சிறைச் சாலையில் கைதிகளிடையே செவ்வாய்க்கிழமை மோதல் ஏற்பட்டது. துப்பாக்கி, கத்தி போன்ற ஆயுதங்களைக் கொண்டு அவா்கள் ஒருவரை ஒருவா் தாக்கிக் கொண்டதில் 16 போ் உயிரிழந்தனா்; 43 போ் காயமடைந்தனா்.

கலவரத்தில் உயிரிழந்தவா்களில் ‘எல் பேட்ரான்’ என்றழைக்கப்படும் போதைப் பொருள் கடத்தல் கும்பல் தலைவா் லியோனாா்டோ நோரேரோவும் ஒருவா். 7 நிறுவனங்கள், சொகுசு பண்ணை உள்ளிட்ட ஏராளமான சொத்துகளை வைத்திருந்த அவா், கடந்த மே மாதம் கைது செய்யப்பட்டாா்.

ஏற்கெனவே கரோனா நெருக்கடியின்போது மரணமடைந்துவிட்டதைப் போல் நடித்து பெருவில் தன் மீது குற்றச்சாட்டு பதிவு செய்யப்படுவதிலிருந்து லியோனாா்டோ நோரேரோ தப்பித்துக்கொண்டாா் என்று அதிகாரிகள் கூறினாா்.