வாட்ஸ்ஆப் செயலியில் புதியதொரு சேவையை அறிமுகப்படுத்தப் போவதாக மெட்டா நிறுவனம் அறிவித்திருக்கிறது. அதன்படி ஆடியோ குறுஞ்செய்திகளையும் இனி ஒன் டைம் வியூ (One time view) மூலம் அனுப்பும் புதிய வசதியை அளிக்கவிருக்கிறது. 

கடந்த 2021-ல் புகைப்படம் மற்றும் காணொளி குறுஞ்செய்திகளுக்கு 'ஒன் டைம் வியூ' எனும் ஒரு முறை மட்டுமே பார்க்க முடியும் வசதியை அறிமுகம் செய்தது. இப்போது அதே வசதியை ஒலிவழி குறுஞ்செய்திகளுக்கும் அறிமுகப்படுத்துகிறது மெட்டா நிறுவனம். 

இதையும் படிக்க: களத்தில் இறங்கிய எலான் மஸ்க்கின் 'க்ராக்' செய்யறிவு தொழில்நுட்பம்!

இந்த வசதியை இன்னும் சில நாள்களில் புதிய அப்டேட் மூலம் அனைவரும் பயன்படுத்தலாம் என மெட்டா தெரிவித்துள்ளது.