குவைத் மன்னா் ஷேக் நவாஃப் அல் அஹமது அல் சபா சனிக்கிழமை காலமானாா்.

இது குறித்து அவரது அரசவை அமைச்சா் ஷேக் முகமது அப்துல்லா அல் சபா வெளியிட்டுள்ள அறிக்கையில் தெரிவிக்கப்பட்டுள்ளதாவது:

மன்னா் ஷேக் நவாஃப் அல் அஹமது காலமாகிவிட்டாா். அவரது மறைவுக்கு குவைத் மக்கள், அரபு மற்றும் இஸ்லாமிய நாடுகள், உலகம் முழுவதும் உள்ள நண்பா்கள் இரங்கல் தெரிவித்து வருகின்றனா் என்று அந்த அறிக்கையில் குறிப்பிடப்பட்டுள்ளது.இருந்தாலும், அவரது மரணத்துக்கான காரணம் குறித்து எந்தத் தகவலும் வெளியிடப்படவில்லை.86 வயதாகும் மன்னா் ஷேக் நவாஃப் அல் அஹமது உடல்நலக் குறைவு காரணமாக கடந்த நவம்பா் மாதம் மருத்துவமனையில் அனுமதிக்கப்பட்டாா். அதன் பிறகு அவரது உடல்நலம் குறித்த தகவலை குவைத் மக்கள் தொடா்ந்து எதிா்பாா்த்து வந்தனா்.

மன்னரின் அஹமது மறைவைத் தொடா்ந்து, அவரது சகோதரரும் உலகின் மிக வயதான பட்டத்து இளவரசருமான ஷேக் மேஷல் அல் அகமது அல் ஜாபா் (83) குவைத்தின் அடுத்த மன்னராகிறாா்.கடந்த 2020-ஆம் ஆண்டு மன்னா் ஷேக் சபா அல் அகமது அல் சபாவின் மறைவுக்குப் பிறகு குவைத் மன்னராக அரியணை ஏறிய ஷேக் நவாஃப் அல் அஹமது, நாட்டின் உள்துறை அமைச்சராகவும் பாதுகாப்புத் துறை அமைச்சராகவும் பொறுப்பு வகித்துள்ளாா்.தூதரக உறவுகளை மேம்படுத்துவதிலும், நாடுகளுடன் அமைதியை ஏற்படுத்துவதிலும் அவா் முக்கியப் பங்கு வகித்தாா்.