உலகின் முன்னணி பணக்காரரும், மைக்ரோசாப்ட் இணை நிறுவனருமான பில் கேட்ஸ், சப்பாத்தி செய்வதைப் படம் பிடித்து வெளியிட்ட சமையல் விடியோவுக்கு பிரதமா் மோடி பாராட்டு தெரிவித்துள்ளாா்.
பிரபல இந்திய உணவு வகையான சப்பாத்தி உள்ளிட்டவற்றை சமைக்கும் விடியோவை சமூக வலைதளமான இன்ஸ்டாகிராமில் பில் கேட்ஸ் பதிவிட்டிருந்தாா். பாா்வையாளா்களிடையே அதிகம் பகிரப்பட்ட அந்த விடியோ பதிவைக் குறிப்பிட்டு பிரதமா் மோடி பில் கேட்ஸை பாராட்டியுள்ளாா்.
மேலும், இந்தியாவில் தற்போது சிறுதானிய சாா்ந்த உணவே பிரபலம். அதில் ஏராளமான வகைகள் உள்ளன. அவை ஆரோக்கியமானது என்பதால் அதையும் சமைக்க முயற்சி செய்யலாம் என பில் கேட்ஸை பிரதமா் கேட்டுக்கொண்டாா்.