டிவிட்டரின் நீல நிறக் குருவி இலச்சினையை (லோகோ) அந்நிறுவனத்தின் தலைமை செயல் அதிகாரி எலான் மஸ்க் சமீபத்தில் மாற்றிய நிலையில், தற்போது அதிலும் சில மாற்றங்களை செய்துள்ளார். 

டிவிட்டர் நிறுவனத்தை வாங்கியது முதலே, அதில் பல அதிரடி மாற்றங்கலை எலான் மஸ்க் மேற்கொண்டு வருகிறார். அந்த மாற்றங்கள் தனித்துவம் அளித்து வணிக ரீதியாக கைக்கொடுக்கும் என்ற நம்பிக்கையில் தொடர்ந்து அதனை செய்து வருகிறார். 

அந்தவகையில் சமீபத்தில் டிவிட்டர் நிறுவனத்தின் புகழ் பெற்ற நீல நிற குருவியின் இலச்சினையை மாற்றி கருப்பு - வெள்ளை நிறத்தில் எக்ஸ் இலச்சினையை அறிமுகம் செய்தார். 

படிக்க | டிவிட்டர் எக்ஸ் லோகோ: வடிவமைத்தது யார் தெரியுமா?

இந்த மாற்றம் சமூக வலைதளங்களில் கலவையான விமர்சனங்களைப் பெற்றன. எனினும் எலான் மஸ்க் தொடர்ந்து இலச்சினை இறுதி வடிவம் கொடுக்கும் பணியில் ஈடுபட்டுள்ளார். 

தற்போது எக்ஸ் இலச்சினையில் சில மாற்றங்களை செய்துள்ளார். ஏற்கெனவே உள்ள எக்ஸ் இலச்சினையை சற்று அடர்த்தியாக்கி இறுதி வடிவம் கொடுத்துள்ளார். 

ட்விட்டா் பதிவுகள் அனைத்தும் ‘ட்வீட்கள்’ என்று இதுவரை அழைக்கப்பட்டு வந்தன. அவை இனி ‘எக்ஸ்’கள் என்று அழைக்கப்படும் என்று மஸ்க் தெரிவித்திருந்தார் என்பது குறிப்பிடத்தக்கது.