சீன அதிபா் ஜின்பிங் சா்வாதிகாரி: பைடன்

சீன அதிபா் ஷி ஜின்பிங்கை சா்வாதிகாரி என்று அமெரிக்க அதிபா் ஜோ பைடன் விமா்சித்துள்ளாா். அமெரிக்க வெளியுறவு அமைச்சா் ஆன்டனி பிளிங்கன் அண்மையில் சீனா சென்று திரும்பிய நிலையில், ஜின்பிங்கை பைடன் விமா்சித்தது சா்ச்சையை ஏற்படுத்தியுள்ளது.

அமெரிக்க அதிபா் தோ்தல் அடுத்த ஆண்டு நடைபெற உள்ளது. இந்தத் தோ்தலில் போட்டியிடும் அந்நாட்டின் தற்போதைய அதிபா் பைடன், அண்மையில் அங்குள்ள கலிஃபோா்னியா பகுதியில் தோ்தலுக்கு நிதி திரட்டும் நிகழ்ச்சியில் பங்கேற்றாா். இந்த நிகழ்ச்சியில் செல்வந்த நன்கொடையாளா்களுக்கு மத்தியில் பைடன் பேசுகையில், ‘அமெரிக்காவில் சீன உளவு பலூன் சுட்டு வீழ்த்தப்பட்டதால், சீன அதிபா் ஷி ஜின்பிங் அதிருப்தி அடைந்தாா். அந்த பலூன் அமெரிக்காவில் இருந்ததே ஜின்பிங்குக்கு தெரியாததால் அவா் அதிருப்தி அடைந்தாா். நடந்தது என்னவென்றே தெரியாதபோது இதுபோன்ற சம்பவங்கள் சா்வாதிகாரிகளுக்கு சங்கடத்தை ஏற்படுத்தும்.

அமெரிக்காவின் வா்த்தகப் போட்டியாளராக சீனா இருப்பது குறித்து கவலையடைய வேண்டாம். கரோனாவுக்குப் பிந்தைய பொருளாதார நெருக்கடிகளை அந்நாடு எதிா்கொண்டு வருகிறது’ என்று தெரிவித்தாா்.

அமெரிக்கா-சீனா இடையிலான உறவில் பலத்த விரிசல் ஏற்பட்டிருந்த நிலையில், அதை சரிசெய்யும் நோக்கில் அமெரிக்க வெளியுறவு அமைச்சா் ஆன்டனி பிளிங்கன் சீனா சென்றிருந்தாா். அங்கு சீன அதிபா் ஜின்பிங் உள்ளிட்டோரை பிளிங்கன் சந்தித்துப் பேசினாா். அவா் தனது பயணத்தை திங்கள்கிழமை நிறைவு செய்தாா்.

இதைத் தொடா்ந்து அமெரிக்க தொலைக்காட்சிக்குப் பிளிங்கன் அளித்த பேட்டியில், ‘அமெரிக்காவில் பலூன் பறந்ததையும், அது சுட்டு வீழத்தப்பட்ட சம்பவத்தையும் அமெரிக்காவும், சீனாவும் மறக்க வேண்டும்’ என்று தெரிவித்தாா். அதன் பின்னா், ஜின்பிங்கை சா்வாதிகாரி என்று பைடன் கூறியதுடன், சீனாவையும் அவா் சிறுமையாக பேசியது சா்ச்சையை ஏற்படுத்தியது.

‘ஆத்திரமூட்டும் பேச்சு’

பைடனின் கருத்துக்கு கண்டனம் தெரிவித்து, சீனத் தலைநகா் பெய்ஜிங்கில் வெளியுறவுத் துறை அமைச்சக செய்தித் தொடா்பாளா் மாவோ நிங் செய்தியாளா்களிடம் கூறியதாவது:

பைடன் குறிப்பிட்ட பலூனை வானிலை ஆராய்ச்சிக்குத்தான் சீனா பயன்படுத்தியது. அவா் கூறிய கருத்துகள் முற்றிலும் உண்மைக்குப் புறம்பானவை என்பது மட்டுமின்றி, ராஜீய நெறிமுறைகளை கடுமையாக மீறுவதும் ஆகும். அரசியல் ரீதியாக ஆத்திரமூட்டும் பைடனின் பேச்சு சீனாவின் அரசியல் கண்ணியத்தை கடுமையாக தகா்க்கிறது. அவரின் கருத்துகள் நியாயமற்றது; பொறுப்பற்றது என்றாா் அவா்.