அமெரிக்காவின் தேசியப் பறவை கழுகு: அதிகாரபூா்வமாக உறுதி செய்த பைடன்
அமெரிக்காவின் தேசியப் பறவையாக வெண்தலைக் கழுகை அதிகாரபூா்வமாக அறிவிக்கும் மசோதா.
அமெரிக்காவின் தேசியப் பறவையாக வெண்தலைக் கழுகை அதிகாரபூா்வமாக அறிவிக்கும் மசோதாவில் அதிபா் ஜோ பைடன் கையொப்பமிட்டு அதை உறுதி செய்தாா்.
வட அமெரிக்காவைப் பூா்விகமாகக் வெண்தலைக் கழுகு, கடந்த 1782-ஆம் ஆண்டு அறிமுகப்படுத்தப்பட்ட அமெரிக்க அரசின் முத்திரையில் பிரதானமாக இடம் பெற்றிருந்தது.
அதிலிருந்து அமெரிக்க அரசு ஆவணங்களில் வெண்தலைக் கழுகு முத்திரை பொறிக்கப்படுகிறது. அந்த வகையில், 240 ஆண்டுகளுக்கும் மேலாக அமெரிக்க அதிகாரத்தின் சின்னமாக வெண்தலைக் கழுகு விளங்கிவருகிறது.
Advertisement
Advertisement
எனவே, இத்தனை ஆண்டுகளாக வெண்தலை கழுகு அமெரிக்காவின் தேசியப் பறவை என்றே பலரும் கருதி வருகின்றனா். ஆனால் உண்மையில், அந்தப் பறவை இதுவரை நாட்டின் தேசியப் பறவையாக இதுவரை அதிகாரபூா்வமாக அங்கீகரிக்கப்படவில்லை.
அமெரிக்க அரசியல் சாசனத்தில் வெண்தலைக் கழுகை தேசியப் பறவை என்று குறிப்பிடப்படாதது பெரும்பாலானோருக்குத் தெரியாது.
இந்தச் சூழலில், அந்தக் கழுகு இனத்தை நாட்டின் தேசியப் பறவையாக அதிகாரபூா்வமாக அறிவிக்கும் மசோதாவை நாடாளுமன்றம் அண்மையில் நிறைவேற்றியது.
தற்போது அந்த மசோதாவில் கையொப்பமிடப்பட்டதன் மூலம், அமெரிக்காவின் தேசியப் பறவை வெண்தலைக் கழுகு என்று இதுவரை வெற்று வாா்த்தைகளால் கூறப்பட்டுவந்ததை அதிபா் ஜோ பைடன் அதிகாரபூா்வ உண்மையாக்கியிருக்கிறாா்.
கருத்துகள்
பின்னூட்டத்தில் வெளியாகும் கருத்துகளுக்கு அவற்றைப் பதிவிடுவோரே முழுப் பொறுப்பு; அவை தினமணியின் கருத்துகளைப் பிரதிபலிக்கவில்லை.தனிநபர், சமூகம், மதம் அல்லது நாடு ஆகியவற்றுக்கு எதிராக அவமதிக்கிற அல்லது ஆபாசமான விதத்திலுள்ள எந்தவொரு கருத்தும் இந்திய அரசின் தகவல் தொழில்நுட்பக் கொள்கைப்படி தண்டனைக்குரிய குற்றம். இதுபோன்ற கருத்துகளுக்கு எதிராக உரிய சட்ட நடவடிக்கை எடுக்கப்படும்.