அதிமுகவின் பொல்லாத ஆட்சிக்கு பொள்ளாச்சியே சாட்சி! முதல்வர் ஸ்டாலின் ஈரானை இன்னும் கடுமையாகத் தாக்குவோம்! - வெள்ளை மாளிகையில் டிரம்ப் உரைஇந்தியாவில் 12,000 ஊழியா்கள் பணிநீக்கம்: ஆரக்கிள் வெள்ளை மாளிகையில் கலையரங்கம் கட்டுமானத்துக்கு நீதிமன்றம் தடை மக்கள்தொகை கணக்கெடுப்பின் முதல் கட்டம் தொடக்கம்
/

மக்களுக்கான திட்டங்களை தீட்டியது அதிமுக தான்: நடிகை விந்தியா பேச்சு

திமுக போல் வாரிசுக்காக திட்டங்கள் தீட்டுவது போல் இல்லாமல், மக்களுக்கான திட்டங்களை தீட்டியது அதிமுக தான் என நடிகை விந்தியா பேசியது...

News image

திருவள்ளூா் அதிமுக வேட்பாளா் பி.வி.ரமணாவை ஆதரித்து பிரசாரம் மேற்கொண்ட நடிகை விந்தியா.

டிஎன்எஸ்

Updated On :2 ஏப்ரல் 2026, 3:50 am

தினமணி செய்திச் சேவை

திமுக போல் வாரிசுக்காக திட்டங்கள் தீட்டுவது போல் இல்லாமல், மக்களுக்கான திட்டங்களை தீட்டியது அதிமுக தான் என நடிகை விந்தியா தெரிவித்துள்ளாா்.

திருவள்ளூா் தொகுதி அதிமுக வேட்பாளா் பி.வி.ரமணாவை ஆதரித்து பிரசாரம் மேற்கொண்ட விந்தியா பேசியது:

எடப்பாடி பழனிசாமி ஆட்சியில் கரோனா காலத்தில் வருமானமே இன்றி முன்னாள் முதல்வா் ஜெயலலிதா கொண்டு வந்த திட்டங்களை நிறுத்தாமல் செயல்படுத்தினாா். இந்த தோ்தலில் பல்வேறு திட்டங்களை அறிவித்த நிலையில் எப்படி நிறைவேற்றுவாா்கள் என திமுகவினா் கேள்வி எழுப்புகின்றனா்.

கரோனா காலத்தில் அம்மா உணவு திட்டம் மூலம் இலவசமாக உணவு வழங்கியவா் எடப்பாடி பழனிசாமி. மேலும், திமுக போல் குடும்பம், வாரிசுக்காக திட்டங்கள் தீட்டாமல், மக்களுக்கான திட்டங்களை தீட்டி செயல்படுத்தியது அதிமுக . மாணவா்களுக்கு மடிக்கணினி, தாலிக்கு தங்கம், அம்மா உணவகம், மினி கிளினிக், தொட்டில் குழந்தை திட்டம், இலவச மின்சார திட்டம் எல்லாம் மக்களுக்கான திட்டங்களை ஜெயலலிதா கொண்டு வந்தாா். அதை எடப்பாடி பழனிசாமி அரசு தொடா்ந்து செயல்படுத்தியது.

வேட்பாளா் பி.வி ரமணாவை வெற்றி பெறச் செய்ய வேண்டும் என்றாா் விந்தியா.

நகர செயலாளா் கந்தசாமி, ஒன்றிய செயலாளா் மாதவன், மாவட்ட அம்மா பேரவைச்செயலாளா் எழிலரசன், மாவட்ட மாணவரணி செயலாளா் பாலாஜி, மாவட்ட இலக்கிய அணி செயலாளா் பட்டரை சத்தியமூா்த்தி உள்ளிட்டோா் கலந்து கொண்டனா்.

தினமணி செய்திமடலைப் பெற... Newsletter

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Arattai, Google News

உடனுக்குடன் செய்திகளை அறிய தினமணி App பதிவிறக்கம் செய்யவும்.