பந்துவீச்சில் அசத்திய ரச்சின் ரவீந்திரா.. டி20 உலகக் கோப்பையில் இருந்து வெளியேற்றியது இலங்கை!

டி20 உலகக் கோப்பை கிரிக்கெட் போட்டியின் சூப்பா் 8 சுற்றில், நியூஸிலாந்து 61 ரன்கள் வித்தியாசத்தில் இலங்கையை புதன்கிழமை வென்றது.

இந்த வெற்றியின் மூலமாக நியூஸிலாந்து அரையிறுதிக்கான பந்தயத்தில் நிலைக்க, இலங்கை போட்டியிலிருந்து வெளியேற்றப்பட்டது.

இந்த ஆட்டத்தில் முதலில் நியூஸிலாந்து 20 ஓவா்களில் 7 விக்கெட்டுகள் இழப்புக்கு 168 ரன்கள் சோ்க்க, இலங்கை 20 ஓவா்களில் 8 விக்கெட்டுகளை இழந்து, 107 ரன்களே எடுத்தது.

முன்னதாக டாஸ் வென்ற இலங்கை, பந்துவீச்சை தோ்வு செய்தது. நியூஸிலாந்து இன்னிங்ஸில் ஃபின் ஆலன் 3 பவுண்டரிகள், 1 சிக்ஸருடன் 23, டிம் செய்ஃபா்ட் 8 ரன்களுக்கு ஆட்டமிழந்தனா்.

பின்னா் வந்தோரில் கிளென் ஃபிலிப்ஸ் 18, ரச்சின் ரவீந்திரா 3 பவுண்டரிகள், 1 சிக்ஸருடன் 32 ரன்களுக்கு சாய்க்கப்பட்டனா். மாா்க் சாப்மேன் டக் அவுட்டாக, டேரில் மிட்செல் 3 ரன்களுக்கு வீழ்ந்தாா்.

84 ரன்களுக்கே 6 விக்கெட்டுகளை இழந்து நியூஸிலாந்து தடுமாறிய நிலையில், கேப்டன் மிட்செல் சேன்ட்னா் - கோல் மெக்கான்சி கூட்டணி, அணியை சரிவிலிருந்து மீட்டனா்.

இவா்கள் பாா்ட்னா்ஷிப், 7-ஆவது விக்கெட்டுக்கு 84 ரன்கள் சோ்த்தது. சேன்ட்னா், 26 பந்துகளில் 2 பவுண்டரிகள், 4 சிக்ஸா்கள் உள்பட 47 ரன்கள் விளாசி, இன்னிங்ஸின் கடைசி பந்தில் ஆட்டமிழந்தாா். முடிவில் மெக்கான்சி 3 பவுண்டரிகள், 2 சிக்ஸா்களுடன் 31 ரன்களுக்கு ஆட்டமிழக்காமல் இருந்தாா்.

இலங்கை பௌலா்களில் மஹீஷ் தீக்ஷனா, துஷ்மந்தா சமீரா ஆகியோா் தலா 3, துனித் வெலாலகே 1 விக்கெட் கைப்பற்றினா்.

அடுத்து 169 ரன்களை வெற்றி இலக்காகக் கொண்டு விளையாடிய இலங்கையில் பதும் நிசங்கா, இன்னிங்ஸின் முதல் பந்திலேயே ‘கோல்டன் டக்’ ஆகி அதிா்ச்சி அளிக்க, சரித் அசலங்கா 5 ரன்களுக்கு விடைபெற்றாா்.

குசல் மெண்டிஸ் 11, பவன் ரத்னாயகே 10 ரன்களுக்கு பெவிலியன் திரும்ப, கேப்டன் தசுன் ஷானகா 3 ரன்களுக்கு முடித்துக் கொண்டாா். இதனால் இலங்கை 46 ரன்களுக்கே 5 விக்கெட்டுகளை இழந்து சரிவுக்குள்ளானது.

கமிண்டு மெண்டிஸ் 4 பவுண்டரிகளுடன் 31 ரன்கள் சோ்த்து வெளியேற, துஷன் ஹேமந்தா 3, துனித் வெலாலகே 2 பவுண்டரிகள், 1 சிக்ஸருடன் 29 ரன்களுக்கு ஆட்டமிழந்தனா். ஓவா்கள் முடிவில் துஷ்மந்தா சமீரா 7, மஹீஷ் தீக்ஷனா 1 ரன்னுடன் ஆட்டமிழக்காமல் இருந்தனா்.

நியூஸிலாந்து பௌலிங்கில் ரச்சின் ரவீந்திரா 4 விக்கெட்டுகள் சாய்க்க, மேத்யூ ஹென்றி 2, மிட்செல் சேன்ட்னா், கிளென் ஃபிலிப்ஸ் ஆகியோா் தலா 1 விக்கெட் வீழ்த்தினா்.