பிராவோவின் சாதனையை சமன் செய்த மோஹித் சர்மா!

சென்னை அணியின் முன்னாள் வீரர் டுவைன் பிராவோவின் சாதனையை மோஹித் சர்மா சமன் செய்துள்ளார்.

ஐபிஎல் தொடரில் நேற்று (மார்ச் 24) நடைபெற்ற இரண்டாவது போட்டியில் மும்பை இந்தியன்ஸ் மற்றும் குஜராத் டைட்டன்ஸ் அணிகள் விளையாடின. இந்தப் போட்டியில் குஜராத் டைட்டன்ஸ் 6 ரன்கள் வித்தியாசத்தில் மும்பையை வீழ்த்தியது. குஜராத் அணியின் மோஹித் சர்மா 2 விக்கெட்டுகளைக் கைப்பற்றினார்.

நேற்றையப் போட்டியில் 2 விக்கெட்டுகளை கைப்பற்றியதன் மூலம், ஐபிஎல் வரலாற்றில் மும்பை இந்தியன்ஸ் அணிக்கு எதிராக அதிக விக்கெட்டுகளைக் கைப்பற்றியுள்ள சென்னை அணியின் முன்னாள் வீரர் டுவைன் பிராவோவின் சாதனையை மோஹித் சர்மா சமன் செய்துள்ளார். மும்பைக்கு எதிராக பிராவோ மற்றும் மோஹித் இருவரும் 33 விக்கெட்டுகளைக் கைப்பற்றியுள்ளனர்.

மும்பை இந்தியன்ஸ் அணிக்கு எதிராக அதிக விக்கெட்டுகள் எடுத்துள்ள வீரர்கள்

டுவைன் பிராவோ - 33 விக்கெட்டுகள்

மோஹித் சர்மா - 33 விக்கெட்டுகள்

ரவிச்சந்திரன் அஸ்வின் - 26 விக்கெட்டுகள்

யுஸ்வேந்திர சஹால் - 25 விக்கெட்டுகள்

பியூஸ் சாவ்லா - 25 விக்கெட்டுகள்

அமித் மிஸ்ரா - 25 விக்கெட்டுகள்