நியூசி.க்கு எதிரான 2-வது டெஸ்ட்: வெற்றி பெறும் நிலையில் தென்னாப்பிரிக்க அணி (ஹைலைட்ஸ் விடியோ)

தென்னாப்பிரிக்காவுக்கு எதிரான 2-வது டெஸ்டில் தோல்வியடையும் நிலையில் உள்ளது நியூசிலாந்து அணி. 4-ம் நாள் முடிவில் அந்த அணி, 2-வது இன்னிங்ஸில் 4 விக்கெட் இழப்புக்கு 94 ரன்கள் எடுத்துள்ளது.

கிறைஸ்ட்சர்ச்சில் நடைபெற்று வரும் 2-வது டெஸ்டில் முதலில் பேட்டிங் செய்த தென்னாப்பிரிக்க அணி, 133 ஓவர்களில் 364 ரன்களுக்கு ஆட்டமிழந்தது. எர்வீ 108 ரன்கள் எடுத்தார். மேட் ஹென்றி 3 விக்கெட்டுகளையும் வாக்னர் 4 விக்கெட்டுகளையும் வீழ்த்தினார்கள். நியூசிலாந்து அணி முதல் இன்னிங்ஸில் 80 ஓவர்களில் 293 ரன்களுக்கு ஆட்டமிழந்தது. மிட்செல் 60, காலின் டி கிராண்ட்ஹோம் 120 ரன்கள் எடுத்தார்கள். ரபாடா 5 விக்கெட்டுகளையும் யான்சென் 4 விக்கெட்டுகளையும் வீழ்த்தினார்கள். 

தென்னாப்பிரிக்க அணி 2-வது இன்னிங்ஸிலும் சிறப்பாக விளையாடி 100 ஓவர்களில் 9 விக்கெட் இழப்புக்கு 354 ரன்கள் எடுத்து டிக்ளேர் செய்தது. விக்கெட் கீப்பர் கைல் வெர்ரீன் 136 ரன்களும் ரபாடா 47 ரன்களும் எடுத்தார்கள். இதனால் 2-வது டெஸ்டில் வெற்றி பெற்று தொடரை வெல்ல நியூசிலாந்து அணிக்கு 426 ரன்கள் இலக்கு நிர்ணயிக்கப்பட்டது.

அந்த அணி 4-ம் நாள் முடிவில் 42 ஓவர்களில் 4 விக்கெட்டுகளை இழந்து 94 ரன்களுடன் தடுமாறி வருகிறது. கான்வே 60 ரன்களுடனும் டாம் பிளெண்டல் 1 ரன்னுடனும் களத்தில் உள்ளார்கள். ரபாடா, மஹாராஜா தலா 2 விக்கெட்டுகளை எடுத்துள்ளார்கள். 2-வது டெஸ்டில் வெற்றி பெற நியூசிலாந்து அணிக்குக் கைவசம் 6 விக்கெட்டுகள் மீதமுள்ள நிலையில் 332 ரன்கள் எடுக்க வேண்டியுள்ளது. இதனால் கடைசி நாளில் இந்த டெஸ்டை வென்று டெஸ்ட் தொடரை 1-1 என சமன் செய்வதற்கான வாய்ப்புகள் தென்னாப்பிரிக்க அணிக்கு அதிகமாக உள்ளன. 

தலைக்கவசத்தைத் தாக்கிய பந்து: மந்தனாவின் உடல்நிலை பற்றி பிசிசிஐ அறிக்கை

ரஞ்சி கோப்பை: குழந்தைக்கு அடுத்ததாகத் தந்தையை இழந்தும் தொடர்ந்து விளையாடிய வீரர்

ஐபிஎல்: உறுதி செய்யப்பட்ட 9 அணிகளின் கேப்டன்கள்

சென்னை சேப்பாக்கத்தில் புதிய உலக சாதனை படைப்பாரா ரோஹித் சர்மா?