அமெரிக்காவில் நடைபெறும் உலக தடகள சாம்பியன்ஷிப்பில் மகளிருக்கான 100 மீட்டர் ஓட்டத்தில் 3 பதக்கங்களையுமே ஜமைக்க வீராங்கனைகள் வென்றனர்.
அந்நாட்டின் ஷெல்லி ஆன் ஃப்ரேசர் பிரைஸ் 10.67 விநாடிகளில் இலக்கை எட்டி சாம்பியன்ஷிப் சாதனையுடன் தங்கம் வெல்ல, சக நாட்டவர்களான ஷெரிகா ஜாக்சன் 10.73 விநாடிகளில் (பெர்சனல் பெஸ்ட்) வந்து வெள்ளியும், எலெய்ன் தாம்சன் ஹெரா 10.81 விநாடிகளில் எட்டி வெண்கலமும்
பெற்றனர்.
முதலிடம் பிடித்த ஷெல்லிக்கு, உலக சாம்பியன்ஷிப்பில் இது 5-ஆவது தங்கமாகும்.
முன்னதாக அமெரிக்காவின் மரியன் ஜோன்ஸ் 1999-ஆம் ஆண்டு சாம்பியன்ஷிப்பில் 10.70 விநாடிகளில் இலக்கை எட்டியதே சாதனையாக இருந்த நிலையில், தற்போது ஷெல்லி அதை முறியடித்திருக்கிறார்.